స్వర్గమంటే తెలియదు

ప్రేమంటే నువ్వే అని తెలిసింది
నీతో గడిపిన క్షణాలలో..,
స్వర్గమంటే తెలియదు కానీ
అది పంచే హాయిని చూశాను నీ చెలిమిలో...,

దూరమైనా దగ్గరగా ఉన్నాను
ప్రేమ నిండిన నీ హృదయంలో..,
నరకానికి అర్థం తెలియదు కానీ
అందులో ఉండే బాధను చూశాను నీ ఎడబాటులో...,
కలలు కనడం తెలిసినా గానీ
అందులోని కమ్మదనాన్ని చూశాను నీ సాన్నిహిత్యంలో..,
పదములు ఎన్నో వ్రాశానుగానీ
అవి కవితలా మారడం చూశాను
నీ తలపు తాకిన నాలో...!!