ఏమని వర్ణించను

చెలీ!
ఏమని వర్ణించను నీ సొగసులను
సెలయేటి అలలులా నీ నల్లని కురులు
ఆ కురులలో అలల మాటున నురగలులా సన్నజాజుల ఘుమఘుమలు
కలువపూలను మైమరపించే నీ కాటుక కనులు
పున్నమి చంద్రుని పోలే నీ నుదుట తిలకం
నీ ఎర్రని అధరాలు చిందించే తీయని మకరందం
సూర్యకాంతిలా ప్రతిబింబించే నీ ముఖ సౌందర్యం
పడుచుదనం పరువాలను పైటచాటున దాచుకుని
గడుసుదనం కలగలిపి కొంటేగా నను చూస్తుంటే
నిలువగలరా ఎవరైనా నీ చూపులు తాకి
కారా దాసులు నీ సుందర రూపానికి......!