గుండెపై కోతలే

శిలలుగా మారెనా చెలీ మన మనసులూ
ఊహలే కూలినా తడవవేం కన్నులూ
ఉప్పెనే దాచనా కంటిపై రెప్పలూ
గుండెపై కోతలే చిన్ని నిట్టూర్పులూ
నిన్న స్వప్నాలు నేడు శిధిలాలు
గుండె శకలాలు మిగిలెనే
ప్రేమ చిగురించి పూలు పూశాక
పాడు శిశిరాలు కమ్మెనే
ఒక మాటలేక మూగబోయె గొంతులు

నీ అలోచనల మంటను

చెలీ!
నాపై నీ ప్రేమను ధారగా నువు కురిపించావు
ఆపై నీ అలోచనల మంటను నాలో రగిలించావు
నీ చూపులతో నాపై పూల బాణం వేసేసావు
నా మదిలో ప్రేమ రాగాలు నువు పలికించావు
తొలి పొద్దున సూర్య కిరణంలా నను పలుకరిస్తావు
పండు వెన్నెలలో నా కవితకు ప్రేరణ అవుతావు
నీ చెలిమి కోసం ప్రతి క్షణం తపిస్తున్నాను
నీతో ఈ బంధం కలకాలం ఉండాలని కోరుకొంటున్నాను............

నువు దగ్గరలేనప్పుడు

చిరుగాలికి కదిలే నీ కురులను తాకుతూ
పరవసించి పోతుంటాను
నీ చూపులు పలికే భావాలకు
ఏవేవో అర్ధాలు రాసేసుకుంటాను
నిన్ను కలిసినప్పుడు మాటలు మర్చిపోయి
మౌనంతో గొడవ పడుతుంటాను
నువు దగ్గరలేనప్పుడు
నీతో చెప్పాలనుకున్న మాటలతో
స్నేహం చేస్తుంటాను
నువ్వు కనిపించినప్పుడు
చూస్తూ ఉండిపోతాను
నువు కనిపించనప్పుడు
ఊహల్లో నిన్ను చూస్తుంటాను
ఎప్పుడూ నీతోనే గడిపేసున్నాను
నీలో నేనున్నా లేకున్నా
నాలో కలకాలం నీతో కలిసే ఉంటాను.

అల్లరి చేసే చిలిపి చిరుగాలి

చల్లగా కాసే ఓ వెన్నెలమ్మ
నా మనసెంటో నా చెలికి విన్నవించు
అల్లరి చేసే చిలిపి చిరుగాలి
నా కోరికలే ఆమెకు విన్నవించు
మకరందం చిందించే నీ అధరాలు సాక్షి
నీ సిగలో దాగున్న మరుమల్లెలు సాక్షి
నీ కౌగిలిలో బందీనై చలిరాతిరి పోయేదాక
తెలతెలవారే దాకా హద్దులు చేరిపేసి
ముద్దులు కలబోసి అల్లుకున్న అందమైన
ఈ రేయి జ్ణాపకం మరువలేని అనుభవం.......

నీ శ్వాసగా నే ఉన్నా

చెలీ!
నీ కనుపాపలో నా రూపం ఉంటుందనుకున్నా
నీ ఆలోచనలలో నా జ్ణాపకం చెదిరిపోదనుకున్నా
నీ అధరాలు నిత్యం నా పేరు పలుకుతాయనుకున్నా
నీ శ్వాసగా నే ఉన్నాననుకున్నా
నీ ప్రతిపనిలో నీకు తోడుగా నను ఉంచవనుకున్నా
నీ మనసులో నాకు స్థానాన్ని ఇచ్చావనుకున్నా
నీ ప్రేమను నాకు నిజంగా పంచవనుకున్నా
నీ హృదయంలో నే ఉన్నాననుకున్నా
అంతా నా భ్రమ అని తెల్సి....శూన్యంగా మిగిలున్నా.

నీ ముందు నే ఓడిపోయా

చెలీ!
నువు గుర్తొస్తున్న ప్రతి నిమిషం
నా చుట్టూ నీ జ్ణాపకాలు తిరుగుతూ
నా ఆలోచనలకు చెబుతున్నాయి
నీ ముందు నే ఓడిపోయానని
ఓసారి నీ హృదయం అంటావు
మరు నిమిషం మన మధ్య ఏమి లేదంటావు
ఒకసారి మనసులోకి వచ్చాక
ఒకరికి ఒకరిగా కలిసిపోయాక
ఉండాలి ఆ బంధం చివరి శ్వాస వరకు
కానీ ఇపుడు నాకు మిగిలింది
ఒంటరితనం ,కన్నీటి ప్రవాహం..........

నీ చెలిమి లేని జీవితం

జీవితమే ఒక విషాద నిలయం
ఈ బ్రతుకే ఒక లోతైన వలయం
నీ చెలిమి లేని జీవితం గాఢాంధకారం
నీ పలుకు వినని క్షణం నా చుట్టూ శూన్యం
నీ పిలుపు లేని దినం నను కమ్ముకుంది ఒంటరితనం
నీవు దూరమవుతావన్న ఈ నిమిషం
నా మనసునిండా ప్రవహిస్తున్నది కన్నీటి ప్రవాహం
నా గుండె గుడిలో పదిలంగా ఉన్నది నీ రూపం
నీ జ్ణాపకాలతో బ్రతికేస్తా.....నా ఊపిరి ఉన్నంతకాలం.

మరువలేని జ్ణాపకాలను

చెలీ!
ఊహాలే నా ప్రపంచంగా బ్రతికిన నాకు
నీ ప్రేమతో మరువలేని జ్ణాపకాలను మిగిల్చావు
నా మదిలో ఉప్పెనలా నీ ఆలోచనలు వస్తుంటే
నిలువరించలేని నా హృదయం మౌనంగా చూస్తుంటే
కునుకురాని నా కన్నులు నీ జాడకోసం వెతుకుతూవుంటే
అధరాలు నీ పేరును పదేపదే పలుకుతూవుంటే
నీ గుండెలో నే లేనని తెల్సి ....నువు నా దరి రావని తెల్సి
మరలా నే చూస్తున్నా..............నా ఊహలకేసి