మీరు మీ ఇంటిలోనే స్వంతముగా ఒక వెండి గుడ్డు తయారు చేసుకోవాలనుకుంటున్నారా?

అవునండీ. మీరు మీ ఇంటిలోనే స్వంతముగా ఒక వెండి గుడ్డు తయారు చేసుకోవచ్చు.   ఇప్పుడు వెండి ఎక్కడనుండి తీసుకురాము అనుకునేరు.ఈ గుడ్డుకి నిజమైన వెండి అవసరం లేదు. ఇది ఒక సైన్సు ఇంద్రజాలం. ఇది తయారు చేయడానికి మీకు కావలసినవి. ఒక గుడ్డు, గాజు గ్లాసు, అందులో పూర్తిగా నీరు, ఒక దీపం అవసరం. ముందుగా దీపాన్ని వెలిగించి గుడ్డును దానికి కొంచెం దూరంలో పట్టుకోవాలి దాని పొగ తగిలేటట్టు ఉండాలి. అపుడు గుడ్డు నిండా మసి అంటుకునేటట్టు చూడాలి. గుడ్డు మొత్తం నల్లగా తయారైన తరువాత దానిని జాగ్రత్తగా గాజు గ్లాసులో ఉన్న నీటిలో వేయండి. ఇప్పుడు చూడండి మీకోసం ఒక వెండి గుడ్డు తయారుగా వుంటుంది. నల్లటి గుడ్డు నీటిలో ఎలా మెరిసి పోతుందో మీరే చూడగలరు.