నా కనులకు మిగిలింది

నా కనులకు మిగిలింది కన్నీరే
నువు లేని ఈ బ్రతుకు ఇక శూన్యమే 

అయినా నీ ఊహలో విహరించని
నీ రూపమే ప్రతి సెకను ధ్యానంచేయని

నీవు నా దరికి వస్తావనే ఆశ చెరిగిపోయిన ఈ నిమిషం
నా బ్రతుకున చీకటి కమ్ముకున్న ఈ తరుణం 

నా హృదయ వేదనను ఆపలేకపోతున్నా
పెదవి నుంచి మాట పలుకలేకపోతున్నా 

నీ కోసం నే కట్టిన నా కలల మేడ కూలిపోతుంది
నిను కలిసే క్షణం ఇక లేనట్లు అన్పిస్తుంది
బాధతో నా మనసు ఉప్పొంగిపోతుంది
మరణ ద్వారం నను తన దరికి చేరమంటుంది.

నీతో పంచుకోవాల్సిన క్షణాలను

నిను చూసే క్షణం కోసం
ఎన్నాళ్ళో నా ఈ నిరీక్షణ 

నువు నీ దరికి నను పిలిచిన ఆ సమయం
నా మనసులో ఏదో తెలియని ఉత్తేజం 

నేను వస్తున్నా ఎన్నో ఊహాల్లో విహరిస్తూ నీ కోసం
నీతో పంచుకోవాల్సిన క్షణాలను
మరి మరి తలచి ఎంతో సంతోషంగా చేరా నీ చెంతకు 

ప్రేమగా మనం పంచుకున్న మన తీయని జ్ఞాపకాలు
చిలిపిగా చెప్పుకున్న కబుర్లు
ఆ చల్లని సాయంకాల సమయాన
మనం గడిపిన మధురమైన క్షణాలు 

నను నిత్యం నీతోనే ఉంచుతున్నాయి
నీ ఆలోచనలలో నేనుంటానని
అంటుంది నా మనసు నిజమా చెలీ.......

నా హృదయం బాధగా

చెలీ
నిన్నటి వరకు నా కంటిలో నిండిన నీ రూపం
నువు దూరమైన ఈ క్షణం నీ జాడ తెలియక
నా కనుపాప నీకై ఎదురుచూస్తుంది 

నీతో కోరుకున్న జీవితం
ఇక రాదని తెలిసి
నా హృదయం బాధగా రోదిస్తుంది

జాలిలేని ఈ విధిరాతని
ఎదిరించి నిను గెల్చుకుంటా
నీపై నా ప్రేమను నిరూపించుకుంటా 

ప్రేమ దక్కనివాడు ప్రాణం తీసుకోవడం తప్పు
అని సగర్వంగా లోకానికి చాటుతా
ప్రేమకు మరణం సరికాదని
ప్రేమించే మనసుని పొందడమే
నిజమైన గెలుపని నిరూపిస్తా.